“АНОД” банкыг тойрсон дуулиан олны анхаарлыг татсаар багагүй хугацаа үдэж байгаа. Энэ сарын 13-наас гэнэт олны өмнө ил гарч, өдөр бүхэн сэтгүүлчидтэй уулзаж байсан “АНОД”-ын захирал асан Д.Энхтөр, ТУЗ-ийн гишүүн Н.Даваагийн гэр бүлийнхний хүчин чармайлт тодорхой амжилтад хүрсэн бололтой. Учир нь удаан хугацаанд хүйтэн шоронд хоригдсоноор бие нь муудсан Н.Даваа өнгөрсөн баасан гарагт эмнэлэгт хэвтсэн байна. Тэрбээр зүрхний дутагдалд гүн орсон. Зүрх болон зүрхний булчин нь томорч, улмаар зүрхний баруун доод булчин нь ажиллагаагүй болсон учраас сэхээн амьдруулах тасагт эмчилгээнд орсон байна.
Түүнийг Клиникийн нэгдсэн III эмнэлэгт хэвтүүлсэн бөгөөд цагдаагийн бүрэн хамгаалалтад байна.
Өмгөөлөгчид, банкны халагдсан ажилтнуудтайгаа хамтран байж хэвлэлийнхэнд хандсан тэдний тэмцэл хэдийгээр энэ хүрээд дуусаагүй байгаа ч нэг хэсэгтээ чимээгүй байхаар шийдвэрлэж. Учир нь хэргийг мөрдөн шалгаж цагдаагийн ажилтнууд, хэвлэлээр мөрдөн байцаалтын ажиллагааны нууцыг задалж шоудахгүй байхыг тэдэнд хатуухан анхааруулсан юм байх.
“Ганцхудаг”-т эрүүл мэнд нь эрс муудсан Д.Энхтөр, Н.Даваа нарыг яаралтай эмнэлэгт хэвтүүлж эмчлэх шаардлагатай гэсэн утгатай Эрүүл мэндийн сайд СЛамбаагийн тушаалыг ч тоохгүй байгаа цагдаагийнхан, бид хийх ёстой ажлаа хийж байна. Мөрдөн шалгах, байцаах ажилд саад болж, өмнүүр хойгуур гүйгээд байх шаардлага байхгүй. Өөрсдийгөө гэмт буруугүй хэмээж байгаа Д.Энхтөрийн хувьд буруутгах, нэмж шалгах зүйл олон байгаа. Хамгийн гол нь ажил дөнгөж эхэлж байхад саад болохгүй байхыг хүсч байна. Тэгээд ч хэн ч байсан би хэрэг хийсэн гэж хэлдэггүй биз дээ гэсэн.
Харин хуурай өлсгөлөнгөө нойтон болгож үргэлжлүүлсэн Д.Энхтөрийн хувьд хууч өвчнүүд нь сэдэрч биеийн байдал маш хүнд нөхцөлд байгаа ч прокорур болон мөрдөн байцаах газрын нэр бүхий албан тушаалтнуудын хүсэлтээс болж батлан даалтад гарах, эмнэлгийн яаралтай эмчилгээнд орох нь хойшлогдоод байгаа. Ар гэрийнхэний нь өгүүлснээр магадгүй энэ байдал үргэлжилсээр байвал Д.Энхтөрийн амь насанд ч аюул тохиолдож болзошгүй байдалд тулсан гэнэ. Тиймээс ямар ч хамаагүй аргаар түүнийг эмчилгээ сайтай эмнэлэг бараадуулах нь чухал байгаа гэсэн. Харамсалтай нь үхсэн ч хийгээгүй хэргийг хүлээж нэрээ сэвтээхгүй гэсэн Д.Энхтөр бодлоосоо ухрахгүй байгаагаас асуудал улам хүндэрч магадгүй болоод байгаа аж.
Resource: Sonin.mn
Posts
Шударга үнэн ялах болно. Та бүхэнд ажмилт хүсье
Buh yum eyeregeer zuv shiidegdeesei. Uursdiin hucheer bosch irsen ikh baharhmaar saikhan humuus yum shuu dee.
Edgeer humuusiig batlan daaltand gargaj baitsaah heregtei. Hudlaa barij hiichiheed Mongolbanknii zavaan avilgach nar baasan deer shavsan yalaa shig bankiig ni tonoh gej baigaa yum.
MB nii pizdakuud hunii umch ruu haldahaa bolioroi. Ta nar ezdiig ni shorond avaachij hiicheheed ene bankiig amiig taslah gej bna. Tiimees edgeer humuusiig hurdan batlan daaltad gargah hergetei.