Миний бие урьдчилан хорих төвд байж болох хэмжээндээ мэнд байна.
ИХ Нам нь УИХ-ийн сонгуулийг буудлиантуулсаныг буруушааж 7 сарын 1-ний жагсаал цуглаанд оролцогсод болон УИХ-ын сонгуулийн 25-р тойргийн сонгогчдын эрх нь зөрчигдөж буй талаар олон түмэнд мэдэгдэл хийсэн билээ. Мөн өдөр мэдэгдлийг дэмжиж Иргэний Эвсэлийн Удирдах Зөвлөлийн уулзалт болсон. Гэтэл 2008 оны 12-р сарын 10-ны “Олон улсын хүний эрхийн өдөр”-ийн орой нар хиртэх мэт үйл явдлууд өрнөж, Анод банкыг үүсгэн байгуулагч бидний 3 нөхөр саатуулагдан, Ганц худгийн Урьдчилан Хорих Төвд нөгөө эрх нь зөрчигдсөн 7-р сарын 1-ний үймээнийг зохион байгуулагч, оролцогчид гэгдэж эрхээ хязгаарлуулсан хүмүүс дээрээ ирж хоригдлоо.
Бидний сайн мэдэх социализмын үеийн хэлмэгдэгч Лоохууз, Нямбуу, Сурмаажав нарын хэргийг санагдуулах мэт телевиз, радио, сонин хэвлэлүүдээр Анод банк түүний үүсгэн байгуулагч 3 нөхдийн талаар үнэн худал нь үл ялгагдах гүтгэлгүүд дахин дахин давталттайгаар 4 сар шахам үргэлжиллээ.
Тухайн үед миний бие Анод банкны хувь нийлүүлэгч, ТУЗ-ийн гишүүн нэрээр хоригдох болсон боловч үнэн хэрэгтээ эзэмшдэг хувь байхгүй билээ. Намайг ИХ Намын дарга хэмээн хорихын тулд “Анод банк”-ны гэх дуулиант хэргийг эхлүүлсэн болов уу гэж бодогддог. Одоогоор миний банкны үүсгэн байгуулагч, ТУЗ-ийн гишүүн болон сонгуульд нэр дэвшсэний төлөө хууль зөрчсөн үйлдэл нь тогтоогдоогүй байтал биднийг зүсээ хувирган авилгалдаж хил даван зугтаж магадгүй гэсэн хэсэг хуульчдын ургуулан бодох төсөөлөлд хөтлөгдсөн үзэл дор заавал хорьж цагдуулан шалгагдаж байгаа нь ойлгомжгүй байна.
Одоогийн нийгэмд болж буй үйл явдлууд, улс орны байгаа бодит нөхцөл байдал, иргэдийн ажилгүйдэл, ядуурал, эрх баригчдын сэтгэлгээний хоосрол, авилга газар авч, улс орон, иргэдийн төлөө бус өөрсдийн хар амиа хичээгчид, олигархуудын дураар авирлаж өөрсдийгөө хамгаалсан үйл ажиллагаа явуулж байгаа зэргээс дүгнэлт хийн улс орноо ямар бодлого баримтлан ямар нийгмийн хөгжлийн замаар авч явж байгаагаа тодорхойлон зарлахыг танаас хүсье.
Posts
0 Response to "ИХ Намын дарга Н.Даваагын 4 сарын эхээр бичсэн захиаг нийтэлж байна."
Post a Comment