МУУ НОХОЙН САНАА ЦААД ЗАХЫН ТУУЛАЙНД" АНОД-ЫН ЭНХТЄРД БИЧСЭН ИЛ ЗАХИДАЛ

Нийтэлсэн: AnodBankFounders

Санаж байна уу, эрхэм анд Энхтєр єє. 1995 онд Лондонгийн Шеперд Буш дvvрэгт 7 хоногийн 50 паунд тєлдєг жижиг єрєєг дэслэгч залуу Оюундалай та хоёртой хєлсєлжбайсан Л.Батбаяр энэхvv ил захидлыг АНУ-ын Виржини муж улсаас бичиж сууна. Чи их техник сэтгэлгээтэй залуу сан.

Д.Энхтөр: Цагдаагийнхан зохиомол хэрэг тохохын тулд ажиллаж байна

Нийтэлсэн: AnodBankFounders

Олон нийтийн анхаарлыг “Анод” банкны хэрэг татаж байна. Тус банкны гүйцэтгэх захирал асан Д.Энхтөр шоронд өлсгөлөн зарлаад 14 хонож байна. Бид түүнд асуулт хүргүүлж хариулт авсан юм.

Анодын гэх хэргийн талаар хэн юу хэлэв?

Нийтэлсэн: AnodBankFounders

Ерөнхий сайд асан М.Энхсайхан: - Нэртэйгээр нь дэлхийн эдийн засгын хямралын бурууг энэ 3 хүнд тохчих... О.Магнай: - Манай хөдөлгөөнөөс яг 25 хүн шоронд орсон.Сүүлд Иргэний хөдөлгөөний намын дарга болсон Даваа “Анод”-ын гэх зохиомол хэргээр шоронд орсон. Энэ дарангуй нийгмийн эсрэг боссон хүмүүсийг бүгдийг нь шоронд хийнэ гэсэн эрх баригчдын бодлого амжилттай хэрэгжиж байгаа. Гэхдээ бас нэг зүйлийг ойлгох хэрэгтэй. Сонингоор бичихээр уншихгүй, телевизээр ярихаар үзэхгүй, сонгуульд өгсөн саналыг нь луйвардчихдаг ийм дарангуй нийгэм хүчирхийлэл рүү л түлхдэг гэдгийг маратж болохгүй.

ИХ Намын дарга Н.Даваагын 4 сарын эхээр бичсэн захиаг нийтэлж байна.

Нийтэлсэн: AnodBankFounders

Миний бие урьдчилан хорих төвд байж болох хэмжээндээ мэнд байна. ИХ Нам нь УИХ-ийн сонгуулийг буудлиантуулсаныг буруушааж 7 сарын 1-ний жагсаал цуглаанд оролцогсод болон УИХ-ын сонгуулийн 25-р тойргийн сонгогчдын эрх нь зөрчигдөж буй талаар олон түмэнд мэдэгдэл хийсэн билээ. Мөн өдөр мэдэгдлийг дэмжиж Иргэний Эвсэлийн Удирдах Зөвлөлийн уулзалт болсон.

Авилгалтай тэмцэх газар БЭТ-ийг шалгаж байна

Нийтэлсэн: AnodBankFounders

Анод банкинд ажиллаж байгаа Бүрэн эрхт төлөөлөгч нарыг Анод банкны ажилчидын гомдлын дагуу Авилгалтай тэмцэх газар шалгаж эхэлсэн байна. Учир нь Анодоос зээл авсан харилцагч нар огт зээл аваагүй гэж мэлзэж эхэлсэн байна. БЭТ-үүд ажиллаж эхэлснээс хойш 100 тэрбум гаруй төгрөгийн зээлийг ангилал бууруулж найдваргүй зээл болгож алдагдал болгосон юм.

МОНГОЛ УЛСЫН ЕРӨНХИЙЛӨГЧӨӨР СОНГОГДСОН Ц.ЭЛБЭГДОРЖИД ИЛГЭЭХ ИЛ ЗАХИДАЛ

Нийтэлсэн: AnodBankFounders

Сайн байна уу Элбэгдоржоо? Монгол улсын Ерөнхийлөгчөөр сонгогдсонд чинь чин сэтгэлээсээ баяр хүргэе! Анод банкыг үүсгэн байгуулагчид бид 2008 оны 12 сарын 06-ны өдрөөс хойш дэлхий нийтийг хамарсан санхүү, эдийн засгын хямралын буруутнаар сэжиглэгдэн Ганц худагт хоригдож байна.

“Анод” банкны дампуурал “Дүнжингарав”-аас үүдэлтэй гэдэг. Үүнийг хэд хэдэн янзаар нотлохыг оролдсон баримтууд байдаг. Зарим нэгнээс нь цухас өгүүлэхийг зорьлоо. “Анод” банкны дампуурлыг улс төрийн захиалгат үйл явдал ч гэдэг. 2008 онд хэвлэл мэдээллийн бүхий л хэрэгсэлээр "Дvнжингарав" худалдааны төвийн тухай реклам сурталчилгаанууд цацагдах болсоныг та бүхэн сайн санаж буй байх. “Нарантуул” худалдааны төвийн орлогыг хаах том худалдааны төв нээгдэх гэж байна гээд л баахан юм болж билээ. Vнэндээ "Дvнжингарав" бол том бvтээн байгуулалт гэхээсээ илvvтэй мөнгө угаах том сав, улс төрийн vйл ажиллагааг нууцаар санхvvжvvлэх хэрэглvvр байсан гэдэг нь одоо нотлогдсоор байна.

“Дүнжингарав”-ыг нээхийн тулд 20 тэрбум төгрөг хэрэгтэй байжээ. Мэдээж "Дvнжингарав"-т 20 тэрбум төгрөг зээлэх газар хаа ч байхгүй. Харин “Дүнжингарав”-ын ард байдаг нөлөө бүхий эрхэмүүд Монголбанкныхантай тохиролцсон байна. Монголбанк зээл олгох эрхгvй тул заавал арилжааны банкаар дамжих хэрэгтэй болно. Ингээд зээлийг гуравдагч этгээд "Анод"-оор дамжуулан олгожээ. Харин "Анод"-ынхон тэр үед юунд хутгалдаж байгаагаа мэдээгvй гэдэг. Ингээд “Анод”-оос зээл урсаж өгөв. 2008 оны зургадугаар сарын 4-нд "Стардевелопмент" компанид дөрвөн сая ам.долларын зээл гурван жилийн хугацаатай олгожээ. Хvvд нь 346 000 ам.доллар авна. "Дvнжингарав"-тай холбоотой гэж тодорхойлсон бас хэд хэдэн компанийн зээл ч бас байна. Vvнд "Сэквоя" ХХК 994.5 сая төгрөгийн зээлийг 2006.12.22-нд, 1.2 тэрбум төгрөгийн зээлийг 2006 оны тавдугаар сарын 29-нд авчээ.

"Смарт инт систем" ХХК 2008.02.06-нд 1.8 тэрбум төгрөгийн зээл, "Инвекс" ХХК 2008.02.04-нд 3.5 тэрбум төгрөгийн зээл, "Шарихэрд" ХХК 2008.02.21-нд 3.5 тэрбум төгрөгийн зээл, "Дvнжингаравроуд" ХХК 2008.04.16-нд дөрвөн тэрбум төгрөгийн зээл авчээ. Нийт зээл 2008 оны ам.долларын ханшаар тооцвол 20 орчим тэрбум төгрөг. "Дvнжингарав" ашиглалтад ороогvй байсан учраас зээлдэгчид зээлээ буцааж төлөх болоогvй байлаа. Энэ үетэй хямрал эхэлж давхацлаа. Зээлдэгчид нь 20 тэрбум төгрөгийг эргvvлж төлөх vv? Их хэмжээний зээлийг төлөлгvй бултах цорын ганц арга бол зээл авсан банкаа дампууруулах л юм. Хямрал бол луйварчдад сайхан боломж. Ингээд л "Анод"-ыг дампууруулах ажил эхэлжээ. Ийм учраас "Анод"-ын дампуурал улс төрийн захиалгатай гэсэн яриа гарсан юм. Банк дампууруулсан нь улс төрийн зорилготой эсэхийг тодруулах цорын ганц боломж нь хөндлөнгийн аудит байдаг. Германы аудиторууд ирж шалгасан ба шалгалтынхаа дvнг манай эрх баригчдад өгчээ.

Харин тэр шалгалтаар эрх баригчдын өөрсдийнх нь булхай илрэх гээд байгаа тул өнөөдрийг хvртэл нууж байна. Германы аудиторууд яг энд бичсэн асуудалд тулаад зогссон ажээ. Яагаад гэвэл тэд Төв банкийг шалгах эрхгvй. Vнэндээ бол энэ зээлд "Анод" ямар ч хамаагvй, Эрсдлээ “Монголбанк” vvрэх ёстой, яагаад гэвэл энэ зээлийг “Монголбанк” л хууль бусаар олгосон. Гэхдээ бодит байдалд Монголбанк ямар ч хариуцлага хvлээх ёсгvй, Яагаад гэвэл хуулиар төв банк зээл олгодоггvй, тиймээс зээлийг "Анод" олгосон. Тэгэхээр яалт ч vгvй "Анод"-ын захирлууд золио болж, харин гол эзэд нь хожоотой бултаж байна.

Factnews.mn

| | edit post

Иргэний хөдөлгөөний намын дарга, “АНОД”-ын ТУЗ-ийн гишүүн Н.Даваатай ярилцлаа.

-Та ээжтэйгээ л золгох хамгийн дээд хүсэл гэж хэлж байсан. Суллагдаад хамгийн түрүүнд ээжтэйгээ уулзсан уу?

-”Ганцхудаг”-т зургаан cap гаруй хугацаанд суусан. Тухайн үед хамгийн дээд хүсэл маань 90 дөхсөн ижийтэйгээ уулзах байсан. Тиймээс тэндээс гараад хамгийн түрүүнд ээжтэйгээ уулзаж үнсүүллээ. Харин ээж маань надтай уулзаж, сэтгэл нь амраад хөдөө явсан. Миний ээж, насаараа гэрт амьдарсан, байшинд амьдарч үзээгүй хүн. Харин намайг тэнд байхад манайд амьдарч байсан юм. Тиймээс байшинд нэг л чөлөөтэй биш амьдарч байсан юм байлгүй, намайг ирэнгүүт хөдөө явсан, Архангайн Хашаат руу, Орхоны хөндийд байгаа эгчийнх рүүгээ явсан. Ээжийн маань эрх чөлөө төрсөн нутагт нь байдаг юм байна. Ээж маань гар утастай. Өчигдөрхөн утсаар ярихад “Малаа дагаад л аргал түүгээд алхаж явна. Сэтгэл уужуу сайхан байна” гэж байсан. Ерэн настай ээжийгээ аргал түүгээд явж байна гэхэд нь өөрийн эрхгүй баярлалаа. Миний ээж тийм ч бие сайтай хүн биш. Гэтэл нутагтаа очоод өвдөх бүү хэл аргал түүгээд явж байгаа нь эрх чөлөө л юм даа.

-Та хаана хамгийн эрх чөлөөтэй байж чаддаг вэ?

-Бурхан Халдун ууланд. Тэнд миний эрх чөлөө, миний олон жилийн хөдөлмөр, дахиад ч олон жил хийх ажлын маань үргэлжлэл бий. Саяхан би азтай тохиолдлоор Бурхан Халдун ууландаа очоод мөргөөд ирсэн. Манай аав 1945 оны нисгэгч хүн. Аавынхаа буянд би сая Бурхан Халдун ууландаа нисдэг тэргээр гараад ирлээ. Түүнээс Тарахсан” гэж бодохоос цаашгүй л байлаа. Зүрх тааруухан байгаа болохоор уул руу авирахыг эмч нар зөвшөөрөхгүй байсан юм.

-Хотын дээгүүр нисдэг тэргээр өнгөрсөн байх?

-Тэгсэн. Тэр өдөр цагдаагийнхан баяраа тэмдэглэж байсан болохоор ч тэр юм уу, хот үнэхээр сайхан харагдаж байсан. Өөрийн эрхгүй сэтгэл хөдлөөд л, хоолой зангирч байсан. Гэтэл юу харсан гээч?

-Юу вэ?

-Гачуурт, Улиастай орчимд уулан дээр том цагаан чулуугаар “Ли миний эзэмшлийн газар, нутаг” гээд биччихсэн байсан. Хотоо хараад баярлаж байсан хүн, тийм бичиг хараад нүдэндээ итгээгүй. Өөрийн эрхгүй бухимдсан. Монгол Улсын маань нийслэлд, нутгийн маань толгод дээр “миний эзэмшлийн нутаг” гэж бичиж байгаа тэр Ли гэгч солонгосыг том уулын дээр ингэж бичтэл л давруулсан монголчууд бид хэн юм бэ.
Монгол хүн гэсэн омогшил, Монгол нутгаараа бахархах бахархал, өвөг дээдсээс өвлүүлсэн газар нутагт минь юу болоод байна. Би маш их харамсч, бухимдсан. Арай ч дээ, энэ чинь миний нутаг, өвгөдийн маань цусаа урсган үй олноороо амиа өгөн байж, тусгаар тогтнолоо тогтоосон хилийн дээстэй Монгол нутаг минь гээд л. Гэтэл дахиад л харамсмаар зүйлийг би Бурхан Халдун уулан дээр очоод харсан.

-Баахан хог овоолчихсон байсан уу?

-Өөрийн эрхгүй л нулимс нүд бүрхээд ирсэн. Бидний өвөг дээдсийн маань онгон дээр харийн аялагчид бололтой эрэгтэй, эмэгтэй хүмүүс гарчихсан байсан. Бурхан Халдун уул төрийн тахилгатай. Мөн эмэгтэйчүүд хормойгоос нь дээш гардаггүй уул. Тэгтэл Чингис хааны онгонтой хамгийн дээд овоон дээр нь жуулчид гэсэн авгай, хүүхэн орилж, хашхираад байж байсан. Ингэж болохгүй шүү дээ. Хог маш их шүү. Архины шилээр овоо бараг босгочихсон байна лээ. Би тэнд очих болгондоо боломжийн хэрээр хогийг нь цэвэрлэн авч явдаг. Энэ удаа ч бас л цэвэрлэсэн. Монголчууд тахиж, шүтэж, хууль дүрэм баталж, ярихдаа дэндүү сайн. Гэтэл ярихаас илүү хийж, бүтээх нь чухал гэдгийг орхигдуулдаг. Энэ байдал ч Бурхан Халдун уулан дээр гарч байна.

эдгээр жуулчдыг монгол хүн л хэлмэрчилж явсан байж таарна. Магадгүй, хэдхэн төгрөг илүү өгөхөд нь шунаад, зан заншлаа уландаа гишгэсэн байх нь?

-Бурхан Халдун жирийн нэг уул биш, төрийн тахилгат уул. Түүнийг тоодоггүй юм гэхэд, өвөг дээдсээ, Чингис хаанаа, түүнийхээ онгон, шүтээнийг хүндэтгэх сэтгэл ямар ч Монгол хүнд байх ёстой. Миний хувьд, энэ бүхнийг хараад Монгол Улс маань, эзэн биегүй төртэй болоо юу даа гэсэн эмзэглэл төрсөн. Түүнээс гадна манай улсад хариуцлага хүлээлгэх, хариуцлагыг мэдрэх мэдрэмж алга болчихож.
Саяхан телевиз үзэж байтал “Оюутолгойн тухай гэрээг байгуулах ёстой. Магадгүй, дараа нь алдаа гарвал огцруулаад л болно биз дээ” гэхийг харлаа. Бүхэл бүтэн улсын ирээдүйн талаар төрийн өндөр албан тушаалтан ингэж ярьж байгаа нь Монгол Улс маань, эзэн биегүй төртэй болсныг л харуулж байна. Улсын ирээдүйтэй холбоотой асуудалд алдаа гаргасан бол албан тушаалаасаа огцорсноор хариуцлага тооцоод л дуусна гэдэг дэндүү том алдаа. Монгол Улсын ирээдүй, нэгэн албан хаагчийн суудалтай тэнцэнэ гэдэг эмгэнэл. Энэ байдал сая манай банкинд ч бас гарч л байгаа байхгүй юу.

-Жирийн иргэд гэмт хэрэгт холбогдвол 5-10 жилийн ялаар шийтгүүлдэг, Харин өндөр албан тушаалтан гэмт хэрэгт холбогдоход албан тушаалаас нь өөрчилснөөр асуудлыг шийдвэрлэчихдэг. Үүнээс харахад жирийн иргэдийн 5-10 жилийн эрх чөлөө өндөр албан тушаалтны суудлаас хямдхан гэхэд болно?

-Би тэнд Үндсэн хуулийн цэцийн дарга Ж.Бямбадоржийн гэрээс хулгай хийгээд баригдсан залуутай тааралдсан. Тэр залуугаас би “Тэр аягануудыг эвдэлж, хайлуулчихдаг чи ямар арилсан дотортой хүн бэ. Тэдгээр аяганы хийц давтагдашгүй, урлагийн бүтээл, түүхийн үнэт зүйл гэдгийг мэдэх үү” гэхэд “Аягандаа биш хүнд нь байсан болохоор тэднийг эвдэлсэн” гээд “Тэр том гарын хулгайч, харин би бага гарын хулгайч” гэсэн. Тэр залуугийн өвөө нь манай алдартай зураач. Тэр нөхөрт манай төрийн томоохон албан тушаалтнуудын болон чинээлэг амьдарч байгаа хүмүүсийн гэрийн хаяг, байршил, нэрсийн жагсаалт байсан. Хамгийн гол нь манай гэрийг мэддэг байсан нь миний анхаарлыг татсан юм. Тэгээд л ярилцсан хэрэг л дээ. Тэгсэн тэр энэ хаяг, байршлын дагуу л “Ажлаа хийнэ” дээ гэсэн.

-Ийм хүнд танай гэрийн хаяг байгаа нь санааг чинь зовоосон л байх?

-Яаж манай хаягийг мэддэг юм гэхэд “Танайхыг би харж байсан” гээд “Хүч, хөдөлмөрөөрөө хөрөнгөжсэн хүмүүсийг бид ухдаггүй. Тэгээд л танайхыг “Яршиг даа” гээд орхисон гэсэн. Тэгэхээр манайхыг ухах гэж очоод больсон юм шиг байна лээ. Энэ бүхнийг ярих болсон нь баян чинээлэг, ядуу зүдүү амьдрахдаа биш, ямар ч хүнд эх орон маш чухал. Эх орноо хамгаалж, хайрлаж, сайхан амьдарна гэдгийг л хэлэх байна. Өнөөдөр монголчууд хөрөнгөжөөд ирэхээрээ мөнгөө гадаадын банкинд байршуулж, Англи, Америк, Япон, Өмнөд Солонгост хаус, арал худалдан авч амьдардаг. Үүнийгээ тэд эдийн засгийн аюулгүй орчинд амьдарч байна хэмээн үздэг. Хэзээ ч хамаагүй гэнэт л хөрөнгийг нь хураах вий гэсэн айдас байхгүй.
Харин дунджаас доош төвшний хүмүүс “Гадаадын ямар ч хамаагүй улс руу гарч амьдарлаа өөд нь татъя” гэдэг. “Надад мөнгө өгөөч, явж ирээд, мөнгө олоод эргүүлээд төлье” гэдэг. Ийм л амьдрал өнөөдөр Монгол Улсад маань үргэлжилж байна. Ингэж амьдарч байгаа хүмүүст эх орноо гэх сэтгэлээс илүү амьдралаа залгуулах мөнгө чухал. Тиймээс өнөөдөр бидний дундчууд хэмээн ярьдаг тэр хүмүүс л эх орноо гэж ярьж, улсынхаа үндэсний аюулгүй байдалд санаа тавин зүтгэж байна. Харин ийм дундчууд маань нийт хүн амын маш бага массыг хамарч байна. Түүнээс гадна түүх сонирхдог, судалдаг хүний хувьд монголчуудын шинэ угсаатан үүсч байна уу даа гэж бодох боллоо.

-Яагаад тэгж бодох болов?

-Цэвэр халх угсаа бага хувийг эзэлж, монголчууд их эрлийзжих болж. Хятад, Солонгосын эрлийз их болж. Би УИХ-ын сонгуульд нийслэлийн Хан-Уул дүүрэгт нэр дэвшсэн. Оршин суугчидтай уулзаад явж байхад эрлийз хүүхэд, залуус маш их болсон байна лээ. Ноос ноолуур авдаг, барилга барьдаг байсан тэдний хүүхэд гээд л. Маш их тааралдсан болохоор өөрийн эрхгүй л тэгж бодсон.
Түүнээс гадна нийслэлээ утаанаас чөлөөлөөгүй нөхцөлд цөлд ядуурал нийгмийг нөмөрсөөр байна гэж би боддог. Учир нь утаа хүний тархийг мансууруулж, бодох, сэтгэхийг удаашруулдаг. Чингис хаан “Тангудыг мөхөөгүй гэдгийг өглөө бүхэн сануулж бай” гэдэг шиг утаа Монголын нийслэлийг нөмөрсөн гэдгийг монгол хүн бүр үргэлж санаж байх хэрэгтэй. Нөгөө талаар утаа гэж яриад байхаас илүү дор бүрнээ ажиллах хэрэгтэй байна. Цахилгааны шөнийн хэрэглээг үнэгүй болговол цахилгаан хэрэглэгчдийн тоо нэмэгдэнэ. Цахилгаан хэрэглэгчдийн тоо нэмэгдэж байгаа нь гал түлдэг айлын тоо тэр хэрээр багасна гэсэн үг.

-Таны баруун гар талд тавьсан хүн чулууны толгой ямар учиртай юм бэ?

-Орхоны хөндийд хийсэн малтлагаар олсон хөшөөний толгой. 1300 жилийн өмнөх үеийн хааны бүтэн баримал боржин чулуун хөшөөг бид олсон. Энэ хөшөөг гадаадын хэвлэлүүдээр “Эр хүний Жокондогийн инээмсэглэл” гэсэн нэрээр алдаршуулсан. Маш нарийн ур хийцтэй, нэн эртний түүхийн үнэт олдвор. Уг нь их бие нь байсан юм. Даанч алдчихлаа. Алдаад гурван cap болж байна. Нэлээд эрэл сурал болж байна. Авсан эзнийг нь бол мэдэж байгаа. Тиймээс авчраад өгчих болов уу гэж хүлээж байна. Арай ч хил гараад явчихаагүй байгаа үед нь байранд нь буцаагаад тавихгүй бол хуулийн дагуу л шийдвэрлүүлнэ дээ.

-Хүн аваад явчихна гэхээр жижигхэн хөшөө байсан юм уу?

-Том. Жирийн хүн аваад явчихааргүй. 500 гаруй кг татна. Тэгэхээр үнэ цэнийг нь мэддэг, хөрөнгө хүч гаргах хүн л тэрийг авч явна. Тэр хөшөөний үнийг хэлбэл жирийн хүмүүс итгэхгүй л дээ.

-Авч явсан хүнийг нь мэдэж байгаа болохоор шууд очоод авчихаж болохгүй юу?

-Болохгүй болоод л хүлээж сууна. Хамгийн гол нь хааныхаа хөшөөг алдчихаад манай эрдэмтэн мэргэжлийн хяналтын газарт мэдэгдээд өөрөө торгуулчихаад л сууж байна. Хөшөөгөө алдаад, нэмж торгуулж хохироод л сууж байна даа.

-Торгох шалтгаанаа юу гэж хэлэх юм?

-Хөшөө алдсан учраас. Намайг тэнд орсноос хойш миний хийж байсан бүх ажлыг зогсоож, ихэнх зүйлийг битүүмжилсэн. Түүний дунд тэр хөшөөний эргэн тойронд байсан гэр орсон. Гэрийн унь, ханыг тоолоод битүүмжлээд байсан хүмүүс маш ховор, эзэн хааны хөшөөг битүүмжлээгүй сул орхисон. Тэгтэл тэр үнэт хөшөөгөө бид алдчихлаа. Дэлхийд гайхагдсан том нээлт, 1300 жилийн өмнөх үеийн хааны хөшөө гэхээр хүмүүс үнэ цэнийг нь мэдрэх байх. Хөшөөг олсны дараа манай улсад Орос, Герман, Франц, Казахстан, Хятад, Өмнөд Солонгос, Японы эрдэмтэд ирсэн. Германы эрдэмтэн тэр хөшөөг хараад “Манайд нэг буган хөшөө байдаг. Тэр хөшөөнд зориулж музей хүртэл байдаг. Гэтэл танай улсад буган хөшөө зөндөө байдаг болохоор тоож байгаа ч хүн алга. Ийм сайхан хөшөөг одоо та нар яаж хамгаална даа” гэж байсан. Гэтэл тэр хөшөөг нь бид алдчихлаа.

-Монголбанкыг Захиргааны хэргийн шүүхэд өгсөн, Өчигдөр шүүх хурал хойшилсон гэж сонссон?

-Монголбанкнаас Бүрэн эрхэт төлөөлөгч томилсон нь хууль зөрчсөн үйлдэл хэмээн Захиргааны хэргийн шүүхэд өгсөн. Шүүх энэ асуудлыг хуулийн дагуу 60 хоногт багтаан шийдвэрлэх ёстой. Монголбанкны зүгээс “АНОД”-д суугаа Бүрэн эрхэт төлөөлөгчийн эрхийг хязгаарлах нь банкийг эзэнгүй болгоно гэсэн хүсэлтийг Монголбанкны хуульчид тавьсан. Тиймээс шүүх хурлыг хүлээж байна.

-Бүрэн эрхэт төлөөлөгчийг та юу гэж боддог вэ. Түүний талаар янз бүрийн мэдээлэл цацагддаг?

-БЭТ-ийн хувьд дээд газрын тушаалыг биелүүлэгч л юм. Уг нь Монголбанкнаас үнэхээр “АНОД”-д анхаарал тавьж, Бүрэн эрхэт төлөөлөгч томилсон бол менежер хүнийг томилох байсан. Гэтэл өмнө нь дандаа л банкийг татан буулгаж байсан хүнийг томилсон. Тэр хүний хувьд мэргэжлийн дагуу нь чаддаг ажлаа л хийж байгаа нь энэ байх. Анхнаасаа унагаах гэж томилогдсон хүн болохоор бүх л хүчээ дайчлан тушаалыг нь биелүүлж л байна.

-”Анод”-ын байдал ямар байгаа вэ? Нам гүм болчихлоо?

-”АНОД” айдгаа авдартаа хийчихсэн гэж болно. Учир нь ямар ч банкны хамгийн хүнд үе хадгаламж эзэмшигчид мөнгөө татах юм. “АНОД”-ын хувьд хадгаламж эзэмшигчид нь мөнгөө татаад бүрэн дууссан болохоор одоо айх зүйл байхгүй. Харин банкныхаа үйл ажиллагааг хэвийн байдалд оруулах нь чухал байна. Юу ч байхгүй газар банк байгуулж байсан юм чинь ийм болсон банкыг босгож, харин ч хамгийн том банк байгуулж болох байлгүй дээ. Бид Бээжинд Төлөөлөгчийн газар байгуулах гэж 10-аад жил хөөцөлдсөнөөр байгуулсан.

-Бээжинд албан ёсны төлөөлөгчтэй Монголын ганц банк бол “АНОД”. Харин татан буугдсан гэж сонссон?

-Бээжинд банк байгуулах гэдэг амар ажил биш. Тийм ч учраас Монгол Улсаас ганцхан банк Бээжинд байдаг нь манай “АНОД” юм. Хятадаас орж ирж байгаа бүхий л мөнгөний урсгал манай банкаар дамжих гэрээ, хэлцэл хийсэн байсан. Гэтэл БЭТ манай банкны Бээжин дэх санхүүгийн эрх бүхий Төлөөлөгчийн газрыг татан буулгасан. Үүнээс болж мaнай Төлөөлөгчийн газраар дамжин орж ирэх байсан хөрөнгө оруулалт хүлээлтэд орсон. Хамгийн гол нь гадаадаас Бээжинд банкны Төлөөлөгчийн газар шинээр байгуулах эрхийг 2008 оноос Хятадын Засгийн газар хориглосон. Тиймээс Монгол Улсад Хятадаас орж ирэх хөрөнгө оруулалтын гүүр нь “АНОД” банк болох байсан ч харамсалтай нь Монголбанкнаас томилогдсон БЭТ-ийн бодлогогүй ажиллагаанаас болж зогсоод байна.

-”АНОД”-ыг зохион байгуулалттайгаар дампууруулсан гэж үздэг хүн олон. Магадгүй, танай гадаад харилцаа тэдгээр хүмүүст өөр банк байгуулах сэдлийг төрүүлсэн юм болов уу?

-Үгүйсгэхгүй. Томоохон харилцагчдын эрх ашиг, их мөнгөний асуудал байна. Том зээлдэгчид, бизнесийн бүлэглэлийнхний сонирхол ч орсон байх. Томоохон зээлдэгчдэд хувьд банк дампуурах нь ашигтай гэдгийг захын хүн ойлгоно байх.

-”АНОД”-ын томоохон зээлдэгчид гэхээр Б.Гарамгайбаатар, Ц.Мянганбаяр, “Мон-Уран”-ны Г.Наранхүү гэх мэтийн цөөхөн хүний нэр дурдагддаг?

-Олны хамруулж, Ц.Мянганбаяр, Б.Гарамгайбаатар гэхээсээ илүү арван хэдэн жил хамтарч ажилласан болохоор бидний хувьд итгэлцэл чухал. Г.Наранхүүгийн хувьд Т.Энхтөртэй маргалдсан байдаг. Мэдээж, хэн хэнийх нь буруу байгаа. Т.Энхтөр Г.Наранхүүгээс мөнгөө олж авахын тулд барьцаалсан объектийг нь 20 тэрбумаар зарна гэсэн байдаг. Харин Г.Наранхүү улс төр, бизнесийн томоохон хүрээгээр дайрсан нь “АНОД”-ыг ийм байдалд оруулж чадсан. Г.Наранхүүгийн хийсэн зүйлээс хамгийн муухай нь манай банкны салбаруудын гадна хуурамчаар хүмүүсийг цуглуулж хашхируулсан нь. Банк амзэг салбар. Хүмүүсийн итгэлцэл дээр үйл ажиллагаа нь явдаг. Тиймээс хэдийгээр тэр мөнгөө авъя гэж орилж байсан хүмүүс хуурамч байсан ч жинхэнэ хадгаламж эзэмшигчдийг хөдөлгөж чадсан.

-Т.Энхтөр дарга та хоёрыг зөрчилтэй байгаа гэсэн яриа гарах болсон?

Бид цэцэрлэгээсээ өдий хүртэл хамт явсан хоёр. Маргах асуудал гаралгүй яахав. Гэхдээ зарим хүний бодож байгаа шиг маргаан бидний дунд гардаггүй.

Х.Ган-Ялалт

| | edit post

“Анод” банк жил гаруйн өмнөөс Санхүүгийн зохицуулах хороонд /СЗХ/ хандаж үнэт цаас бүртгүүлэх зөвшөөрөл авч, хөрөнгийн зах зээлд 39.418.531 ширхэг энгийн хувьцааг гаргасан. Тэдний энэхүү хувьцааг худалдан авсан 1267 хувьцаа эзэмшигч оруулсан хөрөнгөө яах вэ гэдэг нь одоогоор тодорхойгүй байна.

Хөрөнгө оруулагчдын эрх ашгийг хамгаалах үүрэг хүлээсний хувьд Санхүүгийн зохицуулах хороо хувьцаа эзэмшигчдэд бодит мэдээлэл хүргэх үүднээс тус банкны хувь нийлүүлэгчдийн хурлыг зарлан хуралдуулах шаардлагыг Монголбанкны Бүрэн эрхт төлөөлөгчид хэд хэдэн удаа тавьсан байна.

Харамсалтай нь өнөөдрийг хүртэл хурал товлогдсонгүй. Хувь нийлүүлэгчдийн ээлжит хурлыг компанийн санхүүгийн жил дууссанаас хойш дөрвөн сарын дотор зарлан хуралдуулах хуультай. Гэвч
“Анод” банктай холбоотой асуудал дэгдсэнээс хойш найман сарын хугацаа өнгөрсөн ч хувь нийлүүлэгчдийн хурал хойшлогдсоор байгаа нь ямар учиртай юм бол. Хурлаас өмнө шийдэх
олон асуудал байгаа нь тодорхой ч Монголбанк цаашид ямар арга хэмжээ авах бол гэсэн олны хүлээлт хариу нэхэж байна. Энэ талаар Монголбанкны Бүрэн эрхт төлөөлөгч болон СЗХ-ны Үнэт цаасны газрын даргаас тодруулах гэсэн боловч тэд олдсонгүй.

Хувьцаа эзэмшигчдийн зүгээс тус хороонд цаашид яах вэ гэсэн асуултыг олонтаа тавьж, санал, гомдол ирүүлж буй сурагтай. Компани нь хувьцаа эзэмшигчдийн хүлээх үүргийг хариуцахгүй, хувьцаа эзэмшигч нь компанийн хүлээх үүргийг хариуцахгүй гэж Компанийн тухай хуульд заасан байдаг. Гагцхүү эзэмшиж байгаа хувьцааны хэмжээгээр хөрөнгө оруулагч хариуцлага хүлээдэг тул хувь нийлүүлэгчдийн хурлаас олон асуултын хариулт гарна. Уг хурал компанийн дүрэмд нэмэлт, өөрчлөлт оруулах, нийлж нэгдэх, компанийг өөрчлөн байгуулах, компанийн өрийг хувьцаагаар солих, компанийг татан буулгах болон татан буулгах комиссыг томилох зэрэг чухал шийдвэр гаргах бүрэн эрхтэй.

Хэзээ хуралдаж, ямар асуудал хэлэлцэх нь тодорхойгүй уг хурлаас “Анод” банк “амьдралын мөчлөг”- төө цэг тавих уу, эсвэл сэхэх үү гэдэг нь тодорно. Шат шатандаа алдаа гаргаж, хувьцаа эзэмшигчдийг хөлдөө чирсэн дээрх төрийн байгууллагууд бас энэ удаа хуулийн заалтыг үл тоов бололтой.
| | edit post

“Анод”-ыг хэргээр хоригдож байгаад батлан даалтаар суллагдсан, Их намын дарга Н.Даваатай ярилцлаа.

-Сайхан наадав уу, баяр наадмыг хэрхэн өнгөрүүлэв дээ?

-Өнөөдөр улс даяар баярлаж, сайхан л наадах шиг боллоо. Миний хувьд эзэн хааныхаа хөшөөний хойноос сураг ажиг тавьж, хайсаар л өнгөрүүллээ. Надад баярлаад байх нөхцөл алга. Бид Тайваньд байсан нэг зургаар л Чингэс хааны дүр төрхийг төсөөлдөг. Мөн ч юмуу, биш ч юмуу бүү мэд. Гэтэл Чингэс хааны өвөг хааны бүхэл бүтэн хөшөө бидэнд үлдэнэ, түүнийг нь нээж, олж, илрүүлнэ гэдэг бол түүхийн ховор нандин хужвь тохиол юм. Хамгийн харамсалтай нь, одоо эзэн хааныхаа хөшөөний толгойтой л үлдэж. Юундаа ч би баярлаж, наадах билээ дээ.

Би хүүхэд байхаасаа Орхоны хөндийд өвөөгийндөө өссөн. Шивээт уулын орой дээрх чулуун байгууламжыг их гайхдаг байлаа. Тахилгын сүм, ширээний туурь гээд гайхаж бишрэх зүйл хэтэрхий ихтэй. Өвөө минь намайг тийш очиж болохгүй гэж их цээрлэдэг байсан одоо миний санаанд тодхон байдаг. Гэсэн ч тэр үеийн түүхийн гайхамшгийг сонирхож, хүссэн минь миний бүх л амьдралд хором ч тасраагүй. Түүнийг тайлах, унших, судлах, нээхийн араас л явсаар байгаад энэ хүрлээ. Улстөрд орсон, шорон, банк гээд хувь тавилан минь бүгд л нэг газраас, тэр түүхийн үнэт цогсолборыг гайхаж, судлах болсон хүсэл, сонирхолтой минь холбоотой. Гэтэл жилийн өмнөх малтлагаараа нээсэн Билгэ хааны тэр хөшөөг өнгөрсөн тавдугаар сарын 1-нээс 2-нд шилжих шөнө хулгайлсан байна. Тухайн үедээ олон улсын эрдэмтдийн тодорхойлсноор агуу нээлт. Яг тэр үеэр манайх олимпоос анхны алтан медалиа тэвэрчихээд байсан үе. Гаднын, хөгжилтэй улс гүрнүүдийн эрдэмтэд бол олимпын алтан медалийг дахиад хэдээр нь ч авч болно. Ийм хүн төрөлхтөний түүхийн үнэт олдвор дахин нээгдэхгүй гэж тодорхойлж, сүрдэж байсан даа. Төдөлгүй Назарбаев Ерөнхийлөгч манайд айлчлаад, дараа нь соёлын сайдаа явуулж, тус хөшөөнд зориулсан сүм барих тохиролцоог ерөнхийдөө хийсэнсэн. Өнгөрсөн нэгдүгээр сард би өөрийн биеэр Казанкстанд очиж гэрээ, хэлцэл хийх ёстой байтал шоронд байсан хүн юугаа хийхэв дээ. Ингээд ярилцсан хэлэлцсэн бүхэн үгүй болсон цаг үед хөшөөгөө хулгайд алдлаа. Ер нь би энэ цаг үед манайх эзэн биегүй төртэй улс юм байна гэдгийг л ойлгож байна. Бид агуу их төртэй, агуу их үндэстэн хэр нь түүнийгээ ойлгож, мэдрэх хэмжээ, ухаан нь балчирдаад, юугаа хэнд алдсаныгаа ч мэдэхгүй, ажиггүй, наадмаа хийгээд л амьдарч байна.

-Их сул дорой байна гэж үү?

-Өнгөрсөн 800 жилд бид бүх зүйлээрээ тэр дундаа оюун санаагаараа асар дор уначихсан юм байна. Дэлхийн нэрт, үнэт хоёр алмааз ч Монголын түүхтэй холбоотой байдаг юм. Тэр үед бол монголчууд үнэт зүйлээ мэддэг байж. Билгэ хааны хөшөөг жирийн малчин авчихгүй л дээ. Бүхэл бүтэн улс, орон л авна. Өөрөөр хэлбэл, би түрэг угсаатай улсуудын нэг нь зохион байгуулалттайгаар хулгайлсан гэж сэжиглэж байна. Тэдний дэргэд манайхан ямар дор унасан байгаа нэг жишээ би хэлье. Намайг баривчлаад шоронд хийсний дараа миний гэсэн хамаг юмыг битүүмжлээд, хөдөө, хөшөөний орчим байсан гэрийг хүртэл хамсан. Гэтэл гэрийн хажууд байгаа түүхийн тэр үнэт олдворыг юман чинээ бодохгүй нэг муу гэрийн унийг тоолж, бүртгээд явсан байдаг юм. Биднээс бусад нь юуны төлөө хулгай хийж хүртэл явна вэ, манайхан юуг тоолж бүртгэж, сүржигнэж байна гээд бодохоор асар их ялгаа харагдана. Өнөөдөр ч юу нь мэдэгдэхгүй нэг хөшөө алга болсны хойноос ингэж гашуудахын хэрэг юун гэсэн ойлгоц л байгаагаас биш түүх, соёлоор тогтохгүй өргөн утгаараа эдийн засгийн асар их ашиг дагуулах олдвор болохыг ухаж, ойлгохгүй л байна. Тэр олдворыг алга болголоо гээд мэргэжлийн хяналтын байгууллагаас эрдэмтэн судлаач багшийг 20 мянган төгрөгөөр торгожээ. Хариуцлага нь тэгээд л болж байгаа юм байлгүй. Өнөөдөр Оюу Толгой, Таван Толгой гээд л байдаг. Зэс ярихаараа л Чилийг ярьдаг. Дэлхийд хамийн их зэс гаргаж байгаа Чил яаж байна, яг өнөөдөр ч цэнхэр утаан дундаа суунаглаад л сууж байна гэнэ. Тэгэхээр зэс хөгжил биш ээ. Тэрнийг дагуулахааргүй том нээлтийн өмнө ирчихээд тоохгүй, мэдэхгүй байна гэдэг нь ирээдүйд их муу л даа. Түүхийн үнэт олдворыг дагаж хот, тосгод босдог юм. Эргэн тойрон барилга байгууламж, жуулчид ирэх хөрөнгө оруулалт хийе, улмаар улсынхаа жуулчдыг өөрсдөө зохион байгуулж тэр газраар чинь зорчуулъя гэсэн улс АНУ-аас эхлээд л жагсч байна. Энэ нь эдийн засгийг яаж дээш босгох нь тодорхой биз дээ.

-Улстөрд орсон, шорон, банкны асуудал гээд бүгд нэг л эх үндэстэй, түүхийн сонирхол, судалгаа, явц байдалтай холбоотой гээд та дээрх бүхнийг ярьлаа. Чухам яаж холбогдоно гэж?

-Манай “Тэнгэр угсаа” нийгэмлэгийнхэн олон жилийн судалгааны ажлын үр дүнгээрээ Чингэс хааны онгоны тухай мэдээллээр хэвлэлийн бага хурал хийгээд нийтэд зарласан. 2007 он л доо. Түүний дараа Ж.Батзандан, О.Магнай, М.Ичинноров нар ирээд, тэр талаарх судалгааг минь чухалчлан сонирхсон. Би тэднийг жагсаал, цуглаан хийгээд байгаагаас нь өөрөөр огт мэддэггүй, мэдээлэлгүй байсан хүн. Би өөрөө ч, манай эрдэмтэд ч ямар ч улстөргүй байсан үе. Өөр хэн ч, ямар ч улстөрийн хүчин сонирхоогүй, ухаж ойлголгүй л өнгөрсөн. Бид Чингэс хааны онгоны талаар яг дэлхийн стандартад нийцсэн кино хийхээр зураг авалт эхэлчихсэн байсан үе. Тэр үеэс л манай эрдэмтэд ч “Бид ер нь хойч ирээдүйдээ өв соёлыг нь нээж өгч байгаа гэж яваа ч энүүхэндээ хэлэхэд хувиа хичээсэн улс байна. Энэ идэр залуухан хүмүүс эх орон, ард түмнийхээ төлөө хамаг бүхнээ зориослоход бэлэн байхад бид ч нэгдэх ёстой юм байна” гээд л Их намд элсэх шийдвэр гаргасан. Их намыг сонгосон гарааны шалтгаан нь Чингэсийн онгоны талаар олон нийтэд зарласан явдал болж байгаа биз. Би хэнд ч гэм хоргүй, ямар ч улстөргүй мөрөөрөө мөнгөө олдог, судалгаагаа хийдэг хүн байсан. Гэхдээ МАХН-ын ч, Ардчилсан намын ч ямар ч лидертэй үг сольчихдог, найзалж нөхөрлөчихдөг байлаа. Их намыг сонгосноор бүх юм өөр болсон. Олон хүнээс яагаад Их намыг сонгосон бэ гэсэн асуулттай тулгарсан.

-Таны болон танай эрдэмтдийн хариулт хувиа хичээхээ болъё гэсэн үг л байсан уу?

-Үгүй ээ, Их намд элссэн бас нэгэн том шалтгаан бий. Олон жилийн түүхийн судалгааныхаа үр дүнг бид төр, засгийн өндөр дээд хэмжээний хүмүүст удаа дараа танилцуулсан. Хэн ч ойлгоогүй. Энэ байдалд Шинжлэх ухааны академи ч их үүрэг гүйцэтгэсэн л дээ. Бидний судалгааг ямар ч үндэслэлгүй, тийм байх ёсгүй л гээд дайраад, шуугиан тарьсан шүү дээ. Бид хаясан. Дуугүй хийх л ёстой юм байна, үр дүнг нь бариад ирэхэд энэ үгүйсгээд байгаа хүмүүс хайчихав дээ гэж л бодсон. Тэдний дундаас түүх соёлоо мэддэг залуучууд гараад ирэхээр өөрийн эрхгүй дэмжих ёстой юм байна, тэднийг гаргаж ирэх ёстой юм байна гэж бодсон маань Их намд элсэх бас нэг том шалтгаан байлаа.

-Шоронд орсны шалтгаан нь тэгвэл яагаад түүхийн судалгааны ажил тань болсон гэж. Их намынхан бол таныг хоригдсоныг намынхаа үйл ажиллагаатай холбож тайлбарлаж байсан л даа?

-Сонгууль боллоо, сонгуулийн дараа долдугаар сарын 1-ний үймээн самуун боллоо. Гэтэл Их нам, О.Магнай, Ж.Батзандангаар дамжуулаад бараг санхүүжүүлэгч, турхирагч нь намайг шахам болгочихсон шүү дээ. Миний ажил үйдс ч “Анод” банктай холбоотой байлаа. Нөгөө талаар залуучуудыг зоригжуулсан гэсэн мэт яриа гараад явчихсан. Бараг сүүлдээ ч дахиад иймэрхүү явдлыг Н.Даваагийн банк турхираад, санхүүжүүлээд байх магадтай гэсэн ойлголт хоёр намд төрсөн болов уу. Тэгээд л банкинд маань дэмжлэг өгөхөө больсон. Дэлхийн санхүү, эдийн засгийн хямрал руу нааж, хавсайдаад л баривчилгаа, Монголбанкны Бүрэн эрхэт төлөөлөгчийг оруулсан мэт явдлууд өрнөсөн шүү дээ. Ер нь бол банкны үйл ажиллагаа доголдоход төв банкны ч хамаарал, үйл ажиллагааны үр дүн давхар гарч таарна. Ганц банк дангаараа хариуцлага үүрнэ гэж байхгүй л дээ. Монголбанкийг би Захиргааны хэргийн шүүхэд өгсөн.

-Бүрэн эрхэт төлөөлөгч томилсон нь буруу гэсэн үндэслэлээр шүүхэд хандаа юу?

-Тийм, Бүрэн эрхэт төлөөлөгч шууд томилсон нь хууль бус, буруутай үйл ажиллагаа. Одоо би хариуг нь л хүлээгээд байна. Хэрэв буруутай нь тогтоогдвол банкны хувь нийлүүлэгч, хувьцаа эзэмшигчид “Анод”-ыг хэвийн үйл ажиллагаанд нь оруулж чадна.

-Дэлхийн санхүүгийн нөхцөл байдлыг ч нааж авчраад банкыг доголдуулсан гэлээ. Бодит байдалд танай банк хүндрэх шалтгаангүй байсан уу?

-Манайх бусад банкуудын нэгэн адил Монголбанкны хүүхэд. Тэд өөрсдөө л манайхыг төрүүлсэн, 10 гаруй жил хянаж шалгаж, ажиллуулсан. Гэтэл гэнэт манайхыг муулаад унадаг нь өөрийгөө л муулаад эхэлсэн үг. Хойноос нь төрсөн хүүхэд шиг гэнэт “Анод”-ыг татаж аваад, өөрөөр хандсан нь туйлын харамсалтай. Тухайн үедээ “Анод” мөнгөний багахан дутагдалд орсон нь үнэн. Гэхдээ ганцхан “Анод” биш бүх банк тийм байсан. 10 тэрбумыг л өгчих хэрэгтэй байсан юм шүү дээ. Үүнийг будлиулаад шуугиан үүсгэдэг нь бодлогын алдаа. Миний дээр ч яриад байсан эзэн биегүй төр гэдэг чинь л ийм байдлыг үүсгэж байгаа юм. Өөрөөр хэлбэл, “Анод”-ыг ингэж зохиомлоор хүнд байдалд оруулчихаар араас нь ямар хохирол гарах вэ, хэнд хүндээр тусах вэ гэдэгт чин сэтгэлээсээ санаа зовох эзэн энэ улсад байхгүй болохоор л ийм явдал боллоо шүү дээ. “Анод” дампуурвал маш олон хүн хохирно. Харин цөөн хүнд ашигтай.

-Танайд олон дахин хандсан том зээлдэгчид зарлагдсан. Банкны дамдуурлаас ашиг хонжих цөөхөн хүнд тэр том зээлдэгчид багтах уу?

-Мэдээж, том зээлдэгчдэд хамгийн их ашигтай. Эрх хүлээн авагчдад ч ашигтай. Их мөнгөн дээр эрх ашиг үүсч л байгаа шүү дээ. Тухайлбал, том зээлтэй “Мон-Уран”-ы Б.Наранхүү 20 тэрбумаа төлөхдөө хөнгөлөлт эдлээд, хүүгээ хасуулаад, 10 орчим тэрбумыг төлөөд л асуудал хоёр тийш болно. Гэтэл банк хэвийн ажиллаж байвал “Мон-Уран”-аас авах ёстойгоо л авах болно. Банк дампуурснаар үнэт цаасны зах, зээл, банкинд итгэх итгэл гээд бүгд хямарна. Банк хэвийн үлдвэл Монголын эдийн засагт маш их ашигтай. Ийм бодит байдлыг шийдвэр гаргах хүмүүс маш сайн ойлгоосой, анхаараасай, жижиг эрх ашгийн төлөө бүү үйлчлээсэй.

-Таныг хорьж байх хугацаандаа бараг байцаагаагүй гэж мэдээлэгдсэн…

-Байцаалгүй гурван ч сар болсон шүү дээ. Миний яриад байгаа, мөрдөн байцаагчын яриад байгаа зүйл хоёр их том зөрөөтэй байлаа. Би хуулийн дагуу банкнаасаа тав гаруй тэрбум төгрөгийн зээл авах эрхтэй. Тийм эрх байсан ч би зээл авч байгаагүй. Гэтэл намайг банктайгаа 20 мянга орчим ам.долларын залилангийн асуудалтай мэтээр байцааж байгаа юм. Тэгээд л жижиг, сажиг юм л асуугаад л байна. Энэ нь өнөөдрийн бидний нийгмийн жижигхэн, хэмжээ нь болоогүй байгааг л харуулаад байна л даа. Яахав нийгэм, хүмүүсийн сэтгэлгээ, оюун санаа бага багаар өөрчлөгдсөн. Гэтэл энэ хууль хяналтын үйл ажиллагаа явуулах механизм соц үеийнхээрээ байна. Том систем, чөлөөт зах зээлд ажиллах хууль, хяналттай болох хэрэгтэй.

-Их намын удирдлага Ардчилсан намд элссэн. Улстөрийн нөхцөл байдал тэгэхээс гарцаагүйд оруулах шиг боллоо. Одоо таны толгойлж байгаа Их намын маргаашийг яаж харж болох вэ?

-Манай улстөрийн нөхцөл байдал өөрөө гарцаагүй зарим зүйлүүдийг шаардаад байна шүү дээ. Өнөөдөр миний нөхөд, хамтран зүтгэгчид ч намайг Ардчилсан намд ор гэж ятгаж л байна. Энэ чинь одоо тоглоом юм уу, хаашаа юм бэ. Би ирээдүйдээ итгэлтэй байна. Шинэ үе, шинэ хүчин гарч ирж байж монголчууд эх орондоо сайхан амьдарна. Үүний төлөө би хатуу зогсох болно. Энэ нь аль нэг улстөрийн нам хүчин рүү дайсагнаад байгаа зүйл биш. Ерөөсөө шинэ үе ирэхийн тулд өөр замыг сонгох хэрэгтэй болсон. Үүнийг л би шинжлэх ухааны үндэстэйгээр ойлгож байна.

-Д.Энхтөр, Э.Гүр-Аранз нартайгаа та уузсан уу?

-Нэг их, байнгын холбоогүй байна л даа. Тэр хоёр намайг бодвол их турсан байна лээ. Хоёулаа 10 кг-аар турсан байна гэсэн. Би тураагүй байна лээ. Хэдтэй орсон, тэр жинтэйгээ л гарч ирсэн. Гол нь дотор эрхтэнүүд их муудсан байна. Эмчилгээ л хийлгээд байна даа.

-Эд хөрөнийг тань битүүмжлэхэд түүхийн үнэт олдворыг тоохгүй нэг муу модон гэрийн унийг тоолоод байсан гэж та хэлсэн. Ер нь сүүлийн хагас жилийн хугацаанд болсон үйл явдлаас та хувьдаа санхүүгийн ямар хохирол амсав?

-Миний байтугай эхнэрийн, гэр бүлийн маань бүх бизнес зогссон. Шоронд байж, байж гарч ирэхэд харилцагч, бизнес эрхлэгчид бүгд л мөнгө олж ирээч, мөнгө олж өгөөч гэж гуйж, хүсч байна. Би биш тэд нар надаас л мөнгө гуйгаад байх юм. Банк гэдэг бол өөрөө харилцагчдадаа мөнгө олж өгч, түүнийгээ эргэлтэд оруулж байдаг үйл ажиллагаа л даа. Энэ үүргээ “Анод” сайн гүйцэтгэж иржээ гэдгийг л би ойлгож байна.

Б.Хажидмаа
| | edit post

“Анод”-ын Н.Даваа “Ганц худаг”-аас суллагдсаныхаа дараа анх удаа дэлгэрэнгүй ярилцлага өглөө

ИХ намын дарга, “Анод” банкны ТУЗ-ийн гишүүн Н.Даваатай уулзаж, ярилц­лаа. Зургаан сар хагасын хуга­цаанд “Ганц худаг”-т хоригдож бай­гаад саяхнаас батлан даалтад гарч ирсэн “Анод” банкны захирлууд олны ха­раа­наас нууцхан байж, гэнэтхэн болж өнгөр­сөн олон асуудлын учрыг олох гээд завгүй байгаа нь мэдээж. Тийм ч болохоор энэ цаг үед хамгийн их сонирхол тутаж буй ИХ намын дарга, “Анод” банкны ТУЗ-ийн гишүүн Н.Давааг олж уулзах амаргүй байсан гэдгийг уншигч та бүхэндээ онцлох хэрэгтэй болов уу. Түүний яриа сонирхолтой байх болно.

-Уулзаж, ярилцах боломж олгосонд баяр­ла­лаа. Батлан даалтанд гараад хэд хоно­чих­лоо. Бие тэнхээ ямар байна даа?

-Бид­нийг гарч ирснээс хойш маш олон сэт­гүүлч ярилцлага авъя гэж утасдах болсон. Ми­ний хувьд ярилцлага өгөх дургүй байсан ч гэлээ хү­мүүсийн сонирхож буй асуул­танд хариулах хэрэгтэй юм байна гэж бодлоо. Ингээд бид зургаан сар хагасын хугацаанд хоригд­чи­хоод гарч ирлээ. Энэ хуга­цаанд эрүүл мэндийн байдал нэ­лээд алдагдсан. Хоолойноос авахуулаад ходоод, элэг цөс, зүрх гээд дотор эрхтнүүд бүгд өвчилсөн. Чийгтэй, жи­жигхэн өрөөнд хоригдож бай­сан болохоор ч тэр үү эрүүл мэнд их мууддаг юм байна. Үр­гэлж хөдөлгөөнтэй байсан хү­нийг зоопаркийн амьтан шиг битүү саванд хийчихээр хө­дөл­гөөний дутагдалд орохоос авахуулаад өвчлөх эх үүсвэр нь олон байх нь ар­гагүй. Хүнд агаар шиг хэ­рэгтэй зүйл байдаггүй гэдгийг энэ хугацаанд л их сайн ойлголоо. Миний хувьд агаа­рын дутагдалд орсноос болоод зүрх томорч, зүрхний гол судасны нарийсал гээч нь бол­сон. Одоо бодож суухад бусад алдсан бүх зүйлээ бид эр­гүү­лээд авч болно. Авна ч гэж бодож байгаа. Харин эрүүл мэндээ л олж авах боломж­гүй болчихов уу гэж санаа зовж байна. Том бол­чих­сон зүрхийг чинь яаж эр­гүүлээд хэвийн байдалд нь оруу­лах вэ дээ.

Сүүлийн арав хоног би дажгүй өрөөнд хоригдсон
-Олны танил олон л хүн хориг­доод эргэж суллагдсан. Та нарын хувьд нэлээд удаан хуга­цаагаар хоригдож байж сая нэг юм батлан даалтанд гар­лаа. Тэндхийн орчин, нөх­цөл гээд танаас асуух зүйл их байна?
-Улс төрийнхөн эсвэл нө­лөө бүхий хүмүүсийг харж бай­хад тэр болгон “Ганц ху­даг” руу ороод байдаггүй, ор­сон ч 14 хоноод л гарчихдаг юм байна лээ. Гэхдээ тэнд хо­риг­­дож буй 1000 гаруй хүн­­тэй харьцуулахад бид­ний зургаан сар хоригд­сон явдал нь байдаг л хуга­цаа. Тухайлбал надтай хамт хориг­дож байсан нэг залуу хоёр жил дөрвөн сар хоригд­соны эцэст хэрэг нь хэрэг­сэх­­гүй болоод сул­лагд­сан. Зөв­­хөн буруугүй гэдгийг тог­­тоохын тулд хоёр жил дөр­вөн сар түүнийг хорьсон бай­на. Бас нэг залуу долоон сар хоригдоод суллагдсан. Одоо ч гэсэн өөр нэг залуу эхнэр­тэйгээ хамт найман сар хо­риг­дож байх жишээтэй. Хоёу­­лаа оюутан юм билээ, тэд.
Энэ мэтээр хүнийг зү­гээр л сэрдээд хориод байх нь үнэхээр утгагүй санагд­сан. Хуулиндаа тийм зүйл бай­даг л байх. Гэхдээ тэд­гээр хүмүүсийн эрүүл мэнд хамгийн харамсалтай. Хорь гарч байгаа тэр оюутан за­луу­гийн зүрх яг минийх шиг томорчихсон гээд бод л доо. Энэ бүгдээр би юу хэ­лэх гээд байна вэ гэхээр зү­гээр л сэрдэгдээд эцэст нь сул­лагдаж байгаа маш олон хүмүүс тэнд бий. Хүнийг удаан хугацаагаар тийм нөх­цөлд хорих шаард­ла­гагүй шүү дээ. Хэдийгээр би хуулийн хүн биш ч гэлээ дээд тал нь хоёр сар хорих нь хангалттай юм шиг санагдсан. Тэр хооронд мөр­дөн байцаах газрынхан шал­гах, хянах ямар ажил байдаг юм, тэр бүгдийгээ амжуулах хэрэг­тэй. Хууль баталж бай­гаа хүмүүс нь ч гэсэн ямар ор­чинд хүнийг хорьж, цаг­даж байгаагаа мэддэг байх ёс­той. Тэнд нь очоод үзэж, ха­раагүй, мэдрээгүй байж тийм хүнд нөхцөлд хүнийг хорьж, хохироож болдог юм уу.
-Хоригдож байгаа хү­мүү­сийн нас хэд орчим байх юм?
-Тэнд хоригдож байгаа хү­мүүсийн ихэнх нь залуучууд. Ми­ний үеийн хүмүүс цөөхөн бай­сан. Тэдний байдал үнэ­хээр хэцүү, 50 гарчихсан улс чинь дороо л дуусдаг юм байна. Ороод ганц хоёр сар бо­лоод л ёстой нөгөө амьд сүг гээч нь болчихдог.
-Хэцүү юм. Зодох, дарамт­лах асуудал их гар­даг гэсэн. Танд арай тэгж хан­даа­гүй биз дээ?
-Над ямар нэгэн дарамт, шахалт байгаагүй. Ганцхан ор­чин нь л хэцүүхэн санагд­сан. Манай өмгөөлөгч нар миний өрөөг өөрчлөх гэж нэлээд хичээсэн. Гэвч ми­ний орчныг өөрчлөх нь дэн­дүү дээгүүр асуудал юм билээ. Яагаад гэвэл намайг хариуц­даг төлөөлөгч нарын хүмүүс над туслахыг л хүсч байсан бо­ловч чадаагүй. Харин сүү­лийн арав хоног би дажгүй өрөөнд хоригдсон. Манай Энх­­төр, Гүрээ хоёрын хориг­дож байсан шиг өрөө л дөө. Тийм өрөөнд хоригдвол бас болж байна.

Нүүдэлчин удамтай монголчууд бид дөрвөлжин хайрцганд үнэхээр хоригдож чаддаггүй юм билээ

-Тэр нь тийм боломжийн өрөө юм уу?
-Үгүй яах вэ дээ, арай XXI зуунд ойртсон өрөө бай­сан. Ортой, зурагттай, ус буцал­гагч­тай. Ийм өрөөнд арав хоног хоригдож үзлээ, гоё л байдаг юм билээ.
-Таны өрөөнд эдгээр зүй­лүүд байгаагүй гэж үү?
-Бай­гаагүй ээ. Гэхдээ энэ бүг­дээс хамгийн чухал нь агаар. О.Магнай чинь хориг­дож байхдаа бачимдаад бай­на гээд байсан шүү дээ. Энэ нь агаартай л холбоотой асуу­­дал байсан юм билээ. Хүн чинь агаараар амьсгалж байж амьд явдаг байхад тэр нь дутагдахаар хамгийн хүнд да­рамт болдог. Ядаж байхад хамт хоригдсон хүмүүс маань бүгд тамхи татдаг бай­­сан. Надтай нийлээд до­­лоон хүн хоригддог байс­наас зургаа нь тамхи татдаг гэх үү дээ. Гэхдээ би тэр өрөөнд хоригдож байхдаа хамт байсан залуусаа нэлээн хүмүү­жүүлээд хоёрыг нь бүр там­хинаас гаргасан. Бусад нь гадагшаа утаагаа гаргах мая­гаар ээлжлэн татдаг бол­сон. Гэх мэтчилэнгээр бус­дыг зохи­цуулж болох ч энэ хэм­жээнд хүртэл цаг хугацаа хэ­рэгтэй. Харамсалтай нь энэ бүг­дийг зохицуулах гэ­сээр байтал хамаг өвчнийг авсан.
Манай өрөөнд ганцхан наар байдаг юм. Нааран дээр долуулаа унтах гэхээр багт­даггүй. Дандаа л хажуу­гаараа харж унтдаг байлаа. Иймэр­хүү л янзтай байсан. Үү­нээс илүүг би яримааргүй байна. Ямар ч байсан XXI зуунд ийм байдалтай байж бо­лох­гүй ээ гэж хэлье.
Монголчууд бид уг нь хий­мор­лог ард түмэн. Тий­мээс ялангуяа залуу­чуу­дыг ийм байдалд хорьж байгааг хуу­­лийн­­хан анхаарах хэрэг­тэй.
-Та их л зүйлийг ан­заарч, тунгааж дээ?
-Хоригдож байх хуга­цаанд “Ганц худаг”-т бай­гаа хүмүүсийн 20 хувь нь л үнэхээр болдоггүй нөхөд, харин 80-ыг нь бид өөрсдөө бэлдэж байна гэж бодогдсон. Нэг ёсондоо 80 хувийг нь манай төр өөрсдөө бэлдэж бай­на. Уг нь хүмүүс амьдрах хэрэг­тэй байна шүү дээ. Жишээ хэлэхэд нэг залуу зөв­хөн ахынхаа амийг аврах гэж л бусдыг дээрэмдсэн байсан. Ах нь мэс засалд орох гэтэл 200 мянган төгрөг хэрэгтэй бол­сон. Ингээд мөнгө баахан хайсан, гуйсан. Эцэст нь олдохгүй болохоор нь ах, дүү хоёр дээрэм хийгээд том ахдаа тэр мөнгийг нь аваа­чиж өгчихөөд өөрсдөө шоронд орсон. Тэдгээр залуус барил­гын ажил хийдэг боло­хоор өвөлдөө ажилгүй, мөн­гө­гүй болчихдог гэнэ. Ийм л байд­лаас болж хоригдсон маш олон залуус тэнд бий. Тэгэхээр ядуурлыг л арил­га­сан цагт манай ул­сын гэмт хэрэг буурна гэж бодогд­сон шүү.
Тэндээс миний ажигласан бас нэг зүйл нь Монгол хүний өөрийнх нь эрх чө­­лөөг эрхэмлэдэг онцлог. Хя­тад, Солонгос гэхчлэн улс ор­ны хүмүүс битүү хайрцган дотор зоопаркийн амьтан шиг байж чаддаг. Харин Мон­­гол хүн тэгж чаддаггүй. Цаа­­наасаа бухимдаж, бачим­даад хэцүү байдалд ордог. Учир нь өргөн уудам тал нутаг­таа нүүдэл хийж явдаг нүү­дэлчин удамтай улс бо­лохоор дөрвөлжин хайрц­ганд үнэхээр хоригдож чад­даг­гүйг анзаарсан. Одоо ч гэсэн бид хөдөө, гадаа хүс­сэн газар руугаа яваад л чө­лөөтэй байдаг шүү дээ. Мал амьтнаар яривал нэг нь тэжээвэр, нөгөө нь зэрлэг гэдэг шиг Монгол хүний онц­лог нь өөр юм билээ.
Хүнлэг, энэрэнгүй ний­гэмд амьдарч байгаа бидний хувьд ард түмнээ их л сайн та­них хэрэгтэй юм шиг санагд­сан даа.

Бидний хэрэгтэй танилцаа ч үгүй атлаа команд өгдөг дарга нар байдаг

-Та тэндэх амьдралыг нү­дэнд харагдтал ярилаа. Өм­гөөлөгч нар тань та­ныг суллах гэж нэлээд чар­майсан байх?
-Би хоёр өмгөөлөгчтэй байгаа. Мөрдөн байцаагч ч юм уу, бусад хүмүүс намайг тэнд хориод байх хүсэлгүй байс­ныг би мэднэ. Хамгийн гол нь намайг хэзээ хорьж, хэзээ гаргахыг дарга нар л мэддэг юм байна лээ.
-Дарга нар гэж та яг хэ­нийг хэлээд байна вэ?
-Бидний хэрэгтэй танил­цаа ч үгүй, уншаа ч үгүй хэр­нээ зүгээр л команд өг­дөг хүмүүс байдаг. Уг нь энэ хэргийг мөрдөж байгаа мөрдөн байцаагч нь л энэ хүн буруутай юу, үгүй юү, сул­лах уу, суллахгүй юу гэд­гийг мэддэг баймаарсан. Гэ­тэл доод шатны хүмүүст энэ эрх мэдлийг нь өгөхгүй, яагаад дээрээс нь тушаагаад бай­даг юм бэ гэдэг асуудал их сонин санагдсан.

Бидэнд 150-аад тэрбум төгрөгийн өр зохиомлоор өгчихсөн байсныг мэдээгүй явжээ

-Нэгдүгээрт эрх мэдэл, хоёр­дугаарт мөнгө ордог. Эрх мэдлийн дээр мөнгө хэ­зээ ч гардаггүй гэдгийг та мэд­мээр л юмсан даа. Ер нь хо­ригдох болсон шалт­гаа­ны­хаа талаар та юу хэлэх вэ?
-Хоригдох болсон шалт­гаан нь бүр эртнээс буюу дол­дугаар сарын гуравнаас ший­дэгд­сэн байсан. Учир нь долдугаар сарын гурванд намайг архи тарааж, дол­дугаар сарын нэгний үймээ­нийг санхүүжүүлсэн гэсэн гүт­гэлэг сонин, хэвлэлээр гар­сан. Хоёрдугаарт наймдугаар сард биднийг хорлох гээд хү­зүүгээр оосорлочихсон байс­ныг бид мэдээгүй л явсан юм билээ. Тодорхой хэлбэл най­ман сард 150-аад тэрбум төг­рө­гийн өрийг бидэнд зохиом­лоор өгчихсөн байсан. Энэ чинь л өөрөө хэзээ ч босч ирэх­гүйгээр дарсан үйл ажиллагаа шүү дээ. Дээр нь хэвлэл мэдээллээр элдвийн гүтгэлэг явуулсаар байгаад 90-ээд тэрбум төгрөгийн асуу­дал гаргаж ирсэн. Энэ бол ерөө­сөө гарцаагүй араанд хийх гэсэн арга. Ингээд над 21 мянган долларын залилан хийсэн үү, үгүй юү гэдэг асууд­лыг тулгаад хорьсон.
Би эцэг эхээс долуулаа хүн. Тэдэндээ би зээл авч өгсөн удаагүй. Харин манай том эгчийн хүү Солонгосоос 14 тэрбум төгрөгийн эх үүсвэр банканд татаж өгөөд их идэвхтэй ажилласан юм билээ. Тийм итгэлтэй байхаар нь орж ирсэн ашгаас нь 400 ор­чим сая төгрөгийн зээл ол­госон байсан. Зээлдэгчийн үүд­нээс зээл аваад бизнес хийж байгааг нь над руу түл­хэх гэж үзсэн хэрэг л дээ.

| | edit post

“Ганц худаг”-аас суллагдаад удаагүй байгаа ИХ намын дарга, “Анод” банкны ТУЗ-ийн гишүүн Н.Даваа хэвлэлд “Монголбанкны бүрэн эрхт төлөөлөгч нар манай банкийг санаатайгаар дампууруулах оролдлого хийж байна. “Монгол газар” компанийн 25 сая ам.доллар, “Мон уран” компанийн 20 сая ам.доллар, “Монроуд” компанийн 17 сая ам.долларын зээлийг банкинд эрсдэлтэй гэж үзэн найдваргүй зээлд оруулсан байна. Энэ мэтчилэнгээр бүрэн эрхт төлөөлөгч нар банкийг удирдах хугацаандаа 180 тэрбум төгрөгийн алдагдалд оруулаад байгаа. Гэтэд эдгээр зээлийн ард 250 тэрбум төгрөгийн баталгаатай хөрөнгө байгаа” гэж мэдэгдсэн. Үнэхээр ч дээр нэр дундсан компаниудын хувьд “Монгол газар”, “Монроуд” компанийн аль аль нь салбартаа тэргүүлэх компанид ордог. “Монгол газар” компани жилдээ 50 сая ам.долларын алт борлуулдаг бол “Монроуд” компанийн хувьд эргэх төлөгдөх нөхцлөөр Засгийн газрын захиалгаар замын ажил хийдэг, дотоодын компаниуд дотроо хамгийн том нь. “Мон уран” компанийн хувьд мөн ялгаагүй, Монголдоо хамгийн томд орох “Дүнжингарав” захыг эзэмшиж байгаа. Тиймээс эдгээр компани яагаад найдваргүй зээлдэгчид болж, “Анод” банкийг дампууралд хөтөлсөн бэ гэдгийг тодруулахаар холбогдох эх сурвалжуудаас лавлалаа.

“Монгол газар” компанийн захирал Ц.Мянганбаяр: Энэ тухай бидэнд мэдэгдээгүй

 -“Монгол газар” компанийн “Анод” банкнаас зээлсэн 25 сая ам.долларыг найдваргүй зээлд тооцож банкийг алдагдалд оруулсан тухай тус банкны ТУЗ-ын гишүүн мэдэгдлээ. Тус банкин дээр ажиллаж байгаа Монголбанкны бүрэн эрх төлөөлөгч танд энэ тухай мэдэгдсэн үү?

-Үгүй, ямар ч мэдээлэл өгөөгүй. Тийм байх ч үндэсгүй. Бид жилд 50 сая ам.долларын алт борлуулдаг. Ийм компани 25 сая ам.долларын зээл төлж чадахгүй, банкийг эрсдэлд оруулна гэж байхгүй биз дээ. Ташаа мэдээлэл байх.

-Гэхдээ танайх зээлээ графикийн дагуу төлж байгаа юу, хугацаа хэтэрсэн зээл бий юу?

-Байхгүй. Бүгд графикийн дагуу хугацаандаа төлөгдөж байгаа. Компанийн үйл ажиллагаа ч хэвийн. Тийм эрсдэл байхгүй.

“Монроуд” компанийн захирал Б.Гарамгайбаатар: Манай компанийн ажил хэвийн явж байгаа

 -“Монроуд” компанийн авсан 17 сая ам.долларын зээл “Анод” банкийг эрсдэлд орууллаа, тус банкинд ажиллаж байгаа Монгол банкны бүрэн эрхт төлөөлөгч нар санаатайгаар баталгаатай зээлийг найдваргүй зээлд оруулж байна гэдэг мэдээллийн талаар та юу хэлэх вэ?

-Би энэ тухай юу ч сонсоогүй юм байна. Монголбанкны бүрэн эрхт төлөөлөгч манай компанитай болон манай зээлийн асуудлаар надтай нэг удаа ч яриагүй. Компанийн үйл ажиллагаа хэвийн, зээл хугацаандаа төлөгдөөд явж байгаа. Бусад зүйлийн талаар бол мэдэх зүйл алга.

-Танай компани Засгийн газрын захиалгат ажлыг эргэн төлөгдөх нөхцлөөр хийж гүйцэтгэдэг. Гэтэл төсвийн хүндрэлээс болоод Засгийн газар мөнгөө хугацаандаа төлдөггүй тохиолдол байдаг. Үүнээс болоод зээл төлөлт хоцрох тохиолдол гарсан уу?

-Үгүй ээ. Засгийн газар графикийн дагуу мөнгөө шилжүүлж, бид ч зээлээ хугацаанд нь төлж байгаа. Компанид лав ямар ч хүндрэл гараагүй. Харин банкин дээр юу болж байгааг би мэдэхгүй байна.

 Энэ тухай тэр Н.Даваагаас асуусан нь дээр

Нэгэнт “найдваргүй зээлдэгч”-ийн тоонд ороод байсан компаниуд энэ мэдээллийг үгүйсгэсэн болохоор бид Монголбанкны бүрэн эрхт төлөөлөгч С.Насанжаргалаас энэ асуудлаар тодрууллаа.

-“Анод”-ны зарим харилцагчдын авсан хөрөнгийн баталгаатай зээлийг танай төлөөлөгч нар эрсдэлтэй, найдваргүй зээлд тооцсоноос банк алдагдалд ороод байгаа тухай та юу хэлэх вэ?

-Юу гэж тийм хууль бус юм хийж байх юм. Бид найдваргүй зээлдэгчдийн талаар нэг ч мэдээлэл гаргаагүй. Банк хэвийн ажиллаж байгаа. Гэхдээ энэ тухай одоо ярих зав алга. Наадмын дараа албан ёсны хариулт өгье.

-“Монгол газар”, “Монроуд”, “Мон уран” гээд нэлээд том компаниудын зээлийн асуудал яригдаж байгааг та анзаарсан байх. Тэдний зээлийг эрсдэлтэйд оруулсан тухай танд мэдээлэл байна уу?

-Хэн ийм мэдээлэл хийсэн юм?

-“Анод” банкны ТУЗ-ын гишүүн Н.Даваа энэ тухай дэлгэрэнгүй ярилцлага өгсөн байгаа.

-Тэгвэл тэр Н.Даваагаасаа асуу. Би л лав ийм зүйл дуулаагүй юм байна. Ярьсан хүн нь мэдэж байгаа биз.

-Н.Даваа захирлын хувьд хаанаас ч ийм мэдээлэл авч болно. Тэгээд ч түүнд одоо шийдвэр гаргах эрх мэдэл байхгүй. Албан ёсны хариултыг өгөх хүн нь та шүү дээ.

-Тэгвэл би мэдэхгүй. Ийм зүйл болсон юм бол тэр Н.Даваа л мэдээд юм байгаа биш үү.

Үүнээс гадна Н.Даваа захирлын ярилцлагад “Японы хөрөнгө оруулагчдаас хэн нэгний зээлсэн 150 сая ам.долларыг зээлийн өрийг банк хоорондын тооцооны код ашиглан “Анод”-ын данс руу шилжүүлэн санаатайгаар алдагдалд оруулсан байсныг мөрдөн байцаагчид илрүүлсэн гэх мэт нэлээд ноцтой мэдээллүүд байсан боловч Монголбанкны бүрэн эрхт төлөөлөгч илүү дэлгэрэнгүй мэдээлэл өгөхийг хүссэнгүй. Монголын банкуудын түүхэнд анх удаа гарсан энэ явдал, тэр дундаа хувийн банкуудаас анх удаа эрсдэлд орсон “Анод”-ын дампуурал үнэхээр зохиомол зүйл, улстөрийн тооцооны нэг хэлбэр байсан уу үгүй юу гэдэг удахгүй тодорхой болох биз.

Б.ЖАРГАЛ

| | edit post


Дүрстэй Мэдээ