Монгол банкны Ерөнхийлөгч Л. Пүрэвдорж

болон Монгол банкны Захирлуудын зөвлөлд илгээх ил захидал

Таны энэ өдрийн амар амгаланг айлтгая

Монгол банкны Бүрэн эрхт төлөөлөгч өөрийн багийн хамт 2008 оны 12 сарын 10 өдөр Анод банкинд ирж ажилласнаас хойш хагас жил боллоо. БЭТ –г томилогдон ирэхдээ Анод банкны үйл ажиллагааг тогтворжуулж, эргээд хэвийн ажиллуулах болно хэмээн мэдэгдэж байсан. Гэтэл өнөөдөр Анод банк сэргэсэн ч юмгүй ажиллаж байгааг та сайн мэдэж байгаа билээ. БЭТ Анод банкинд ирж ажиллааад юж хийсэн бэ. Дараах хэдэн ажлыг л хэл амтайхан хийсэн байна.

o Төрөөс хадгаламжид баталгаа гаргасан хуулийн дагуу олгогдсон хадгаламж эзэмгшигчдийн мөнгийг олгож байна.

o Томоохон зээлдэгч нартай уулзсан боловч үр дүн гаргасангүй. Тодруулбал зээлийн эргэн төлөлт хийгдсэнгүй ээ.

o Харилцах данстай иргэд байгууллагуудын мөнгийг бага ч гэсэн олгож байна.Дашрамд хэлэхэд БЭТ –үүд харилцагчдийн харилцах данснаас мөнгийг нь гаргаж өгөөд шагнал маягаар хувь авдаг гэсэн яриа байнга гарч байгааг эрхэм та шалгуулна биз ээ.

o Анод банкны алдагдлынг багасгахын тулд зардал хэмнэхээр дараах ажлуудыг хийсэн.

БЭТ –н зүгээс Анод банкны зардлыг багасгах талаар хийсэн ажлууд

- Анод банкны үйл ажиллагааг тогтворжуулахын тулд банкны үйлчилгээнүүдийг нь сэргээн явуулж ашиг олох боломжтой билээ. БЭТ –н зүгээс банкны үйлчилгээг хадгаламж, зээл гэдгээс илүүгээр сэтгэх чадваргүй гэдгээ нотолж Анод банкны төлөө ямар ч сэтгэлгүй ажиллаж энэ талаар юу ч хийсэнгүй ээ. Бидний хувьд өмнөх шигээ бүх үйлчилгээгээ явуулах боломжгүйг ойлгож байгаа боловч дараах үйлчилгээнүүдийг явуулах боломж бүрэн байсан гэж үзэж байна.

o Төрөөс хадгаламжид гаргасан баталгааны дагуу одоо үлдэгдэл 50 орчим тэрбум төгрөг Анод банкны дансанд байгаа. Энэ мөнгийг сул байлгаж байснаас эргэлтэнд оруулж ашиг олж болно. Тухайлбал: валют арилжаа, богино хугацаат зээл гэх мэт.

o Нэмж хадгаламж татах. Одоогоор төрөөс хадгаламжид гаргасан баталгааны дагуу Анод банк бэлэн мөнгөний нөөц сайтай байгаагаа ашиглах боломжтой.

o Дотоод гуйвуулгын үйлчилгээ

o Дебит картын үйлчилгээ

Гэтэл эдгээр үйлчилгээг явуулахын оронд БЭТ Насанжаргал нь хэвлэл мэдээллээр ярилцага өгөхдөө Анод банкны төлөө ажиллахгүй байгаа юм шиг, Анод банкнаас цалин авдаггүй юм шигээр байнга банкныхаа эсрэг мэдээлэл өгч үйл ажиллагааг хумиж байна. Энэ ил захидлыг үзээд бас л банкны эсрэг зүйл ярьсан ярилцагуудаа хэвлэлээр нэг цацна гэдэгт ч итгэж байна.

- Банкны үйл ажиллагааг сайжруулах бас нэг боломж нь ажилтнуудтай нь хамтран нэг баг болон ажиллах явдал юм. Гэтэл ажилтнууд бидэнтэй маш хөндий хүйтэн, илт дээрэлхсэн байдлаар харьцаж байна. Жишээ нь:

o Зарим ажилтнуудыг нь хууль бусаар ажлаас халж энэ нь шүүхээр тогтоогдсон байтал ажилд нь эргүүлэн авахгүй байна.

o Ажилтнууд бид хоорондоо хямдралтай ярих, төлбөрийг нь явдал чирэгдэлгүйгээр цалингаасаа төлж байх зорилгоор өөрсдийн гар утасны дугаараа банкныхаа нэр дээр шилжүүлэн ашигладаг. Гэтэл бидний хувийн утасны дугаарыг буцаан олгохдоо өндөр төлбөр авч байна.

o Банкны интернэтийг хааж, ажилтнуудыг нь гадаад ертөнцөөс тасалчихаад яагаад хаасан талаар асуусан сэтгүүлчийн асуултанд Анод банк төлбөрийн чадваргүй болоод хаагдсан мэтээр худал хэлж банкны нэр хүндийг олон нийтэд улам бүр унагалаа.

o Анод банкинд өндөр ур чадвартай ажилтан байхгүй мэтээр хандаж Хадгаламж банк /Монгол банкинд орсон гэсэн/ -нд ажиллаж байсан хүнийг Дотоод хяналтын газрын захирлаар ажиллуулж байснаа одоо дахин шилжүүлж Бүртгэлийн газрын захирлаар ажиллуулж байна.

o Одоо ажиллаж байгаа ажилтнуудыг нь өөр газруудад шилжүүлж ажиллуулж байгаа хирнээ хуулийн дагуу Хөдөлмөрийн гэрээг нь байгуулахгүй байна.

Манай банк өнөөдөр ийм байдалтай байгаад ажилтнууд бид буруугүй шүү дээ.

БЭТ –н дээрх хийсэн ажлуудаас нь харвал хагас жилийн хугацаанд нүдэнд харагдаж гарт баригдахаар олигтой юу ч хийсэнгүй гэж дүгнэж болохоор байна. Өөрөөр хэлбэл Анод банкинд ирээд хэлж байсан амлалтуудаа биелүүлэх талаар юу ч хийсэнгүй.

Иймд Монгол банкны удирдлагууд та бүхэн дараах хүсэлтүүдийг хүлээн авч шийдвэрлэж өгнө үү.

- Анод банкны бусад үйлчилгээг зогсоосон Монгол банкны Ерөнхийлөгчийн тушаалыг хүчингүй болгож, үйл ажиллагаагаа хэвийн явуулах боломжоор хангах

- БЭТ С.Насанжаргалыг яаралтай өөрчлөх. Ингэхдээ Анод банкинд юу ч хийгээгүй тул ажиллаж байхдаа авч байсан сар бүрийн 5 сая төгрөгийнх нь цалин болох 30 сая төгрөгийг эргүүлэн төлүүлэх

- Өндөр цалин, хангамжтай хирнээ хийсэн ажилгүй сууж байгаа БЭТ –н зөвлөлийн гишүүдээ цөөлж талыг нь татаж авах

Биднийг удирдаад, банкыг сэргээхийн төлөө сэтгэлээсээ ажиллах хүнтэй гар сэтгэл нийлэн эрч хүчтэй ажиллахаа Анодчууд бид амалж байна.

Захидал илгээсэн:

Анод банкны ажилтнууд

Энэ ил захидлаар хэн нэгний мууг үзэж, худал гүтгэхийг зорьсонгүй, бодит байдлыг бичлээ.

Энд дурдагдсан мэдээллүүдийн талаар манай БЭТ өөрийгөө хамгаалах гэж янз бүрийн тайлан, тайлбарууд өгнө байх. Та бүхэн мөн тэдгээртэй танилцан олон талаас нь хандаж мэргэн оюундаа шүүн тунгаана гэдэгт итгэж байна.