Анод банкны 35 хувийн хувьцаа эзэмшичид ээ,

Бид банкаа худал үнэлж, луйвар хийгээгүй гэж хэлэх гэж энэ захиаг бичиж байна. Манай банкны бодит үнэ алдагдлаа тооцоод 30-50 сая ам.доллар гэж бид тооцож байсан. Би үүнийг Нью-Йоркийн хөрөнгө оруулагчтай хийж байсан гэрээ хэлцэлээр баталгаажуулж чадна. Бид та бүгдийн хувьцааг 5000 төгрөг болгоно гэж хичээн зүтгэсэн. Харамсалтай нь доорх үндсэн шалтгааны улмаас банк төлбөр түргэн гүйцэтгэх чадварын эрсдэлд орлоо.

• Өрөө төлөхгүй гэсэн харилцагч нарт хар ПР-ийг зохион байгуулалттайгаар хийснээс оны эхнээс 90 тэрбум төгрөгийн хадгаламж гадагшилсан.
• Дэлхийн болон Монголын эдийн засгийн хямрал, 68%-ийн Гэнэтийн ашгийн татвар зэргээс болоод харилцагчдын хүүгийн орлого, зээлийн эргэн төлөлт муудсан. Барилгын санхүүжилтийн эргэн төлөлт муудсан.
• ТУЗ-ийн гишүүн Даваа нь Их намын дарга болсноос Төв банк, Засгийн газраас дэмжлэг авч чадаагүй.

Бид одоо нэгэнт цагдан хориглож эрх чөлөөгөө хасуулаад байгаа болохоор эрсдлээс гарахын тулд бидний төлөвлөж байсан аргуудыг үргэжлүүлэх боломжгүй байна.
35%-ын хувьцаа эзэмшигчидээ.
Монгол банк БАнкны 100%-ийг эзэмшин та нарын хувьцаа хүчингүй болгох ээлжит оролдлогыг хийжээ. Монгол банкны хувьд 65% байна уу 100% байна уу, зарчмын ямарч ялгаа байхгүй шүү дээ. Яагаад ингээд муйхарлаад байгааг ойлгохгүй байна. Би доорхи саналыг тавьж байна.

· Яаралтай хувьцаа эзэмшигчдийн хурлыг хуралдуулж, банкны гүйцэтгэх удирдлагад өөрийн төлөөний хүнийг Дотоод Аудитын захирал оруулж монгол банкны БЭТ-н үйл ажиллагаанд хяналт , шаардлага тавих. Ялангуяа зээлийг ангилах зардал зэрэг үйл ажиллагаанд эхний ээлжинд хяналт тогтоох.
· Хэрэв та нарын зүгээс идэвхитэй үйл ажиллагаа явуулахгүй байх аваас 35%-ийн эзэмшил хүчингүй болох эрсдэл байна. Гол шалтгаан нь Их намын эсрэг цохилт гэдгийг та бид тааварлаж байгаа болов уу гэж найдаж байна. Та бүгдийн хувьд Их нам хамаагүй учраас хохирох ёсгүй.
Одоо эндээс гарах гарц бол та бүгд Анодын 35%-тайгаа үлдэх юм. Төв банкны хувьд Анодын 65% байна уу, 100%-ийг авна уу зарчмын ямар ч ялгаа байхгүй.

Санхүүгийн хямралаас хамааран Төв банк манай банкийг 2-3 жилийн дотор босгох болов уу гэж найдаж байна. Энэ практик нь дэлхийн олон оронд ялангуяа АНУ-д Төв банк нь иймэрхүү үйл ажиллагаа явуулж байгааг та бүгд мэдэж байгаа билээ.

Төв банк та нарын 35%-ийг луйвардан авч, ямар ч хяналтгүй дураараа загнахын тулд цагдаагийн газраас хувьцаа эзэмшигчдийг дуудан хохирогч болгохоор урьдчилж бэлтгэсэн асуулгын дагуу мэдүүлэг авч байна.

Иймээс та бүгд яаралтай хувьцаа эзэмшигчдийн хурлыг хийж өөрсдийн 35%-ийн эзэмшлийг алдахгүй байхын төлөө тэмцэл явуулахыг уриалж байна.

Бидний хувьд 65%-иа Төв банкинд шилжүүлэх нь шударга ёсонд нийцнэ.

Харин та бүгдийн 35%-ийг хэвээр үлдээхийн тулд өөрсдөөс шалтгаалах бүх зүйлийг хийхэд бэлэн байна.

Д.Энхтөр