Арилжааны банкуудаас өөрсдийн хөдөлмөрөөрөө хөл дээрээ боссон гэх “Анод” банк өнөөдөр ажиллаж байгаа гэж хэлэхэд хүнд байдалд байгаа билээ. Тус банкны ТУЗ-ийн дарга Э.Гүр-Аранз, гүйцэтгэх захирал Д.Энхтөр, Н.Даваа нарыг удтал саатуулсны эцэст эрүүл мэндийн байдлаас нь хамаарч батлан даалтад гаргасан байгаа. Нэг хэсэг олны анхаарлын төвд байсан “Анод” банкны асуудал сүүлийн үед намжсан юм шиг байсан ч дээр, доргүй Оюутолгой, Тавантолгойн тухай ярьж, бужигнасан өнгөрсөн өдрүүдэд тус банкыг зарах тухай асуудлыг эрх мэдэлтнүүд ярилцаж амжээ.
Баттай эх сурвалжийн мэдээлснээр, өнгөрсөн сарын 4-нд Малайзын томоохон компаниас “Анод” банкыг худалдан авах тухай санал ирүүлсэн байна. Тус компанийнхан 180 миллиард төгрөгөөр тус банкийг худалдаж авах хүсэлтэй байгаагаа илэрхийлжээ. Түүнчлэн Швейцарийн банкнаас 100 сая еврогийн баталгаа гаргасан баримтыг Монголбанкинд ирүүлсэн тэрхүү хүсэлтдээ хавсаргасан аж. Монголбанкныхан энэ тухай олон нийтэд мэдэгдээгүй ч Малайзын компанийн тавьсан хүсэлтэд “Нэг сарын дараа хариу өгье” гэсэн хариулт явуулсан гэдгийг баттай эх сурвалж хэлж байна. Тэгэхээр ирэх сарын 4-нд “Анод” банкыг гадны компанид зарах эсэх асуудал тодорхой болох аж.
Х.Сүрэн
Posts
0 Response to "“Анод” банкыг Малайзын компанид худалдахаар зэхэж байна"
Post a Comment